Hamburq prokurorluğu dörd Almaniya və bir İsveçrə vətəndaşını sanksiya qanunvericiliyini pozmaqda ittiham edib...
Poliqon xəbər verir ki, Wirtschafts Woche qəzetinin yazdığına görə, iş üzrə təqsirləndirilən şəxslər 2015-2016-cı illərdə dörd "Siemens" qaz turbininin Krıma ixracına yardım ediblər.
Wirtschafts Woche-ə görə, müttəhimlər Almaniyanın 2014-cü ildən sonra tətbiq etdiyi sanksiyalara baxmayaraq, sonda Krıma göndəriləcəyini bilə-bilə Rusiya şirkətinə turbinlərin satışını asanlaşdırıblar. Qəzetin yazdığına görə, Hamburq limanı vasitəsilə Sankt-Peterburqa 111 milyon avro dəyərində turbinlər göndərilib. Çatdırılmalar 2015-ci ilin noyabrından 2016-cı ilin yanvar ayına kimi həyata keçirilib.
Təchizat müqaviləsində turbinlərin Rusiyanın cənubunda istifadə ediləcəyi göstərilib. Lakin onlar Sevastopol və Simferopoldakı elektrik stansiyalarında quraşdırılıb. Prokurorluq hesab edir ki, təqsirləndirilən şəxslər dolayı yolla fayda əldə etmək niyyətində olublar.
"Siemens" istintaqla əməkdaşlıq etdiklərini, lakin Krıma turbinlərin satılmasından xəbərsiz olduqlarını bildirib. Beş nəfərdən biri hələ də "Siemens"də işləyir və şirkətin onu işdən çıxarmaq planları yoxdur. Şirkət sözçüsü bununla bağlı açıqlamasında təqsirsizlik prezumpsiyasına istinad edib.
Reuters qeyd edir ki, onların hamısı günahlarını inkar edir.
2022-ci ilin martında Almaniyanın "Siemens AG" şirkəti sanksiyalara görə Rusiyanı tərk edib və məhsul tədarükünü dayandırıb. 2021-ci ildən etibarən şirkətin Rusiya strukturu bölünmə şəklində yenidən qurulma prosesindədir. Fevral ayında onun adı dəyişdirilərək "Siemens" MMC-dən "Systems" MMC-yə çevrilib.
Poliqon.info
Digərxəbərlər
Populyar xəbərlər
